259
Биыл жазғы уақытта Петропавлдың 25 көшесіндегі жол қалыпқа келтіріледі, деп хабарлайды Qyzyljarnews.kz тілшісі.
Бұл туралы қала әкімі Руслан Аңбаев әлеуметтік желідегі парақшасында жазды. Оның айтуынша, қазіргі уақытта Набережный, Пржевальский көшесіндегі жолдың жамылғысы ауыстырылып жатыр.
– Набережный көшесіндегі асфальт 2017 жылы төселді. Алғашында біз бұл учаскіде тек ойықтырды жамаймыз деп жоспаралған едік. Кейін тексеріс ұйымдастырып, жол жамылғысын толығымен ауыстыру қажеттігіне көз жеткіздік.
Бұдан бөлек, Ж.Жабаев, Панфилов, Зоя Космедемьянская, Әуезов және Малая көшелерінде де жол жөндеу жұмыстары жүргізілуде. Алдағы уақытта Жуков, Қизатовтағы асфальтті ауыстыруға көшеміз, – дейді Руслан Аңбаев.
