489
Қырғызстанның астанасы Бішкек қаласында еркін күрестен Азия біріншілігі өтті. Жерлесіміз, Уәлиханов ауданының тумасы Ризабек Айтмұхан өз салмағында сарықұрлықтың үздік балуаны атанды, деп хабарлайды Qyzyljarnews.kz тілшісі.
Еркін күрестен Азия чемпионытана 23 жасқа дейінгі жас спортшылар қатысты. Байрақты бәсекеде солтүстікқазақстандық балуан 92 килограмм салмақ дәрежесінде сынға түсті. Жарыста Ризабек Айтмұхан 4 кездесу өткізіп, барлығында жеңіске жетті.
– Ризабектің бірінші қарсыласы Үндістан елінің өкілі болды. Кейін ұлым Түркіменстаннан келген спортшымен күресті. Жартылай финалда моңғолиялықты ұтып, ақтық сында қырғызстандық балуанмен кездесті. Оны жеңіп, алтыннан алқа тағынды, — дейді Ризабек Айтмұханның әкесі Қанат Жолдасбай.
