Өткен жылы облыстың әлеуметтік қорғау саласына 4 млрд. 639 млн. теңге бағытталды. Нәтижесінде 9 мыңға жуық өңір тұрғыны атаулы әлеуметтік көмек алды, деп хабарлайды Qyzyljarnews.kz тілшісі.
Облыстық қаржы басқармасының мәліметінше, атаулы әлеуметтік көмекке қол жеткізгендердің 5401-і кәмелеттік жасқа толмағандар.
— Жыл сайын халықты әлеуметтік қорғау саласына ерекше көңіл бөлініп, қыруар қаржы бағытталады. Былтыр үйде көрсетілетін арнайы әлеуметтік қызметтер 3739 балаға қолжетімді болды. Оның ішінде тұрмыстық зорлық-зомбылықтан жапа шеккен 20 азаматқа арнайы көмек берілді. Ал мүмкіндігі шектеулі жандардың денсаулықтарын оңалтуға бағытталған шаралар 8558 адамды қамтыды. Нәтижесінде мүгедектер санаторлық-курортық емдеуге жіберіліп, протездік-ортопедиялық құрал-жабдықтар сатып алынды, — дейді СҚО қаржы басқармасының жетекшісі Наталья Дышкант.
