Петропавлда Токсан би көшесінде ағаш жолға құлады. Қала тұрғындары әлеуметтік желілерде бұрын оны қауіпті деп уақытында алып тастау туралы өтініш жасағандарын айтуда, деп хабарлайды Qyzyljarnews.kz тілшісі.
Құлаған ағаш Токсан би көшесімен, Интернациональная-Абай көшелерінің шекарасындағы қозғалысты тежеп тұр.
Қалалық әкімдік қызметтердің ағашты кесуге және шығаруға кіріскенін хабарлады.
«Петропавлдың дендрологиялық жоспарын әзірлеуге конкурс өтті. Сатып алудың ықтимал жеңімпазы жарияланды. Дендрологиялық жоспарда қаланың жасыл аймақтары туралы толық ақпарат көрсетіледі. Оны жасау аумақты абаттандыру бойынша жұмысты жеделдетеді және барлық жұмыстарды жүргізу тәртібін дұрыс бөлуге мүмкіндік береді», — деп толықтырды қалалық әкімдікте.
Петропавлдың дендрологиялық жоспарын әзірлеуге 124 млн теңгеден астам қаражат бөлінген. Мемлекеттік сатып алу сайтындағы ақпаратқа сәйкес, «Ә.Н. Бөкейхан атындағы Қазақ орман шаруашылығы және агроорманмелиорация ғылыми-зерттеу институты » ЖШС (Щучинск қаласы) конкурстың жеңімпазы болып танылды.
