275
Солтүстік Қазақстан облысының Жамбыл ауданында орналасқан Питное көлінде балық қырылды, деп хабарлайды Qyzyljarnews.kz тілшісі.
Экология департаменті баспасөз қызметінің хабарлауынша, су қоймасына жұмыс тобы аттанған, құрамына экологтар, Есіл бассейндік балық шаруашылығы инспекциясы, табиғи ресурстар және табиғатты пайдалануды реттеу басқармасының қызметкерлері кірді.
«Көлдің жағасы тексерілді. Тексеру кезінде шамамен 100 кг мөлшерінде алабұға мен мөңке үлгілері алынды. Кладбинка ауылдық округінің әкімдігі көл жағасын тазалады», – деді баспасөз қызметі.
Балықтың өлу себебі қажетті сараптамалардан кейін анықталады.
