209
Қазақстандық синоптиктер алдағы демалыс күндері – 2023 жылдың 5-7 тамызы аралығында республика бойынша күн райы қандай болатынын айтты, деп хабарлайды Qyzyljarnews.kz.
Болжам бойынша, республиканың басым бөлігінде ауа температурасы біртіндеп төмендеп,нөсер жаңбыр жауады.
— Таяу тәуліктерде Қазақстан аумағында жаңбыр жауып, найзағай ойнап, күн райы құбылмалы болады: республиканың солтүстігінде, орталығында, шығысында, оңтүстік-шығысында екпінді желмен бірге қатты жаңбыр, бұршақ жаууы, дауыл тұруы мүмкін… Қазақстанның басым бөлігінде ауа температурасы біртіндеп төмендейді. Алайда 5-6 тамызда Қазақстанның оңтүстік-шығысында күндіз +40+42°С-қа дейін қатты ыстық болады деп болжанды, — деп хабарлайды «Қазгидромет» РМК
Ал еліміздің батыс облыстарында күн райы негізінен жауын-шашынсыз болады.
