230
Петропавлдағы №2 жылу-электр орталығында тұрғызылып жатқан жаңа мұржаның қисайған учаскесі бөлшектеніп, қайта тұрғызылады, деп хабарлайды Qyzyljarnews.kz тілшісі.
Мұржаның қисайған учаскесін бұзып, қайта құру жұмыстарымен құрылысқа жауапты мердігер компания айналысуда. Бұл туралы «Севказэнерго» АҚ-ның баспасөз қызметі мәлімдеді.
– Жаңа мұржаның қисайған учаскесін қайта орнату жұмыстары басталып кетті. Бұл құбыр 2024 жылы дайын болады деп күтілуде.
Биылғы жылыту маусымы ойдағыдай өтеді. Оған алаңдауға еш негіз жоқ. Қазір жылыту маусымына дайындық жұмыстары жүріп жатыр. Қысқа жылу-электр орталығының 83 пайызы дайын, — дейді баспасөз қызметі.
