Қыркүйектің 15-сі күні облыстық қуыршақ театрында “Тоқта. Қауіп!” атты спектаклі сахналанады, деп хабарлайды Qyzyljarnews.kz тілшісі.
Облыстық қуыршақ театрында сахналанатын қойылым жайлы арнайы ұйымдастырылған баспасөз мәслихатында айтылды. Спектакльдің қоюшы режиссері Григорий Лайконың сөзінше, «Тоқта. Қауіп!» туындысы төтенше жағдай кезінде балаларға қауіпсіздік ережелерін сақтау жөнінде ақпарат береді.
– Қойылымда өрт, суға батып кету жағдайларын алдын алу мақсатында қауіпсіздік ережелерді сақтаудың маңыздылығы айтылады. Әзіл-қалжыңмен ұштасатын спектакль балалармен интерактив түрінде өтпек. Жас көрермендеріміз өз ойларымен бөлісіп, актерлеріміздің сұрақтарына жауап бере алады, — дейді Григорий Лайко.
«Тоқта. Қауіп!» қойылымы СҚО ТЖД-ның қолдауымен қалың көрерменге жол тартады
