Республика күні қарсаңында облыстық полиция департаментінің мұражайында «Ерлік сабағы» өтті, деп хабарлайды Qyzyljarnews.kz.
СҚО ПД мұражаййының меңгерушісі Любовь Осинскаяның айтуынша, «Ерлік сабағының» негізгі мақсаты – қызметтік міндеттерін орындау кезінде қаза тапқан учаскелік уәкіл Алексей Щербаковты еске алу. 1990 жылы 2 тамызда милиция майоры Щербаков Петропавлдағы Жұмысшы кентінің Урожайная көшесіндегі отбасылық жанжалға қатысты шақыруға барған. Бұрын сотты болған қылмыскерді тыныштандырған 42 жастағы полиция қызметкері көптеген жарақат алады. Алексей Щербаков жараланғаннан кейін тура 80 күн өткен соң ауруханада қайтыс болды.
Ерлік сабағына қатысушылар Алексей Щербаков туралы бейне шежірені қызығушылықпен көріп, 33 жыл бұрын қайтыс болған офицерді бір минут үнсіздікпен еске алды.
