123
Қазан айында «Бидайық» шекаралық бақылау бөлімшесінің шекарашыларының қырағылығы арқасында алтын рудасын тасымалдаудың жолы кесілді, деп хабарлайды Qyzyljarnews.kz тілшісі.
ҚР ҰҚК Шекара қызметінің Солтүстік Қазақстан облысы бойынша департаментінің қызметкерлері келушілердің жүктерін тексеру барысында Степногор қаласынан Ресей Федерациясының Омбы қаласына жолға шыққан көлікті тоқтатты. Қазақстан азаматының автокөлігінде салмағы шамамен 400-500 грамм болатын 7 дана алтын рудасы тәркіленді. Ұсталған азаматтың сөзіне қарағанда, ол тастарды кәдесый ретінде жинаған көрінеді. Күдікті Уәлиханов ауданы бойынша полиция бөліміне жеткізілді.
