Петропавлда қалалық полиция басшылығы пәтер иелері кооперативтерінің төрағаларымен кездесті, деп хабарлайды Qyzyljarnews.kz тілшісі.
Полицейлер қоғамдық тәртіпті қамтамасыз етудегі маңызды тұстарға тоқталып, залға жиналған тұрғындардың ұсыныстарын тыңдады. Кездесуде ПИК төрағалары сұрақтарын қалалық полиция басшысына тікелей қоюға мүмкіндік алды.
Қала тұрғындары танымал сайттарда, Instagram желісінде тауар сатып алу кезінде жиі алданады. Сонымен бірге адамдарға алаяқтар “туыстардың” атынан хабарласып, заңмен байланысты проблема туындағанын және ол үшін қомақты қаражат қажет екенін айтады. Марат Жұмалиев көршілер чаттары мен мессенджерлерді белсенді пайдалануға кеңес беріп, құқық бұзушылықтардың алдын алудағы медиа материалдарды таратуға көмек көрсетіп жүрген және белсенділік танытқан ПИК төрағаларына алғысын білдірді.
Жыл басынан қаланы абаттандыру ережелерін бұзған 3760 құқық бұзушы әкімшілік жауапкершілік арқалады. Қоқысты уақытылы шығармағаны үшін екі мердігер ұйым жауапқа тартылды. Петропавл қалалық полиция басқармасының бастығы Марат Жұмалиев өз сөзінде кей шағын аудандарда аулаларда бейнебақылау камераларын орнату, жертөлелер мен шатырларды нығайту, үйлердің кіреберістері мен аулаларда жарықтандыруды жақсарту сияқты қауіпсіздік шаралары дұрыс жолға қойылмағанын атап көрсетті. Бұдан бөлек тұрғындардың көпшілігі үйлердің кіреберістері мен тамбурларында велосипедтерді, самокаттарды, шаналарды және тағы басқа заттарды қараусыз қалдырады.
ПИК төрағалары учаскелік полиция инспекторларының атқарып жүрген жұмыстары үшін алғыстарын білдірді. Қойылған сұрақтар абаттандыруға қатысты болды. Полицейлер үшін құқықтық тәртіпке бейжай қарамайтын ПИК-тің әр төрағасының, қала тұрғындарының пікірі өте маңызды. Полицияның құзыретіне кіретін барлық проблемалық сұрақтар қала тұрғындарының игілігі үшін және оларды шешу мақсатымен бақылауға алынды.
