250
Петропавлда солтүстікқазақстандық полиция ардагерлері арасында бильярдтан турнир ұйымдастырылды, деп хабарлайды Qyzyljarnews.kz тілшісі.
Жарысқа әр жылдары жедел уәкіл, тергеуші, учаскелік инспектор, криминалист болып жұмыс істеген зейнеткерлер қатысты. Барлығы полицияның 10 ардагері бильярдан өз араларында мықтыны анықтады.
Биылғы турнирде Асқар Қайыржанов бірінші орынды иеленсе, екінші сатыда Талғат Туғанбаев жайғасты. Үздік үштікті Бауыржан Бисарин түйіндеді. Барлық жүлдегерлерге «Динамо» дене шынықтыру-спорт қауымдастығынан атынан сыйлықтар табысталды.
