Жыл басынан бері Аққайың ауданында ауыл, орман және балық шаруашылығы өнімдерінің жалпы шығарылымының нақты көлем индексі – 85 пайыз немесе 53 млрд. 953 млн. теңгені құрады, деп хабарлайды Qyzyljarnews.kz тілшісі.
Ауданда дәнді-бұршақты дақылдар алқабы – 177 мың гектар, өнім берекелігі шамамен 14,2 центнерден айналды. Жалпы өнім – 2 млн. 518 мың тоннаны құрады. 21 мың 400 гектарға майлы дақылдар отырғызылып, гектарынан 10 центнерден жиналды.
Сондай-ақ облыс әкімінің тапсырмасымен ауданға жыл басынан бері 518 ірі қара әкелініпті. Алдағы уақытта тағы 192-сін жеткізу жоспарланып отыр.
— Халықтың жұмыспен қамтылуына, бюджетке салық аударымдарының түсуіне оң әсер ету мақсатында қуаттылығы тәулігіне 40 тонна құрама жем өндіретін зауыт пайдалануға берілді. Аудандағы ең ірі өңдеу өнеркәсібі – «РОСТАН» жауапкершілігі шектеулі серіктестігі. Онда сары май, спредтер, ірімшіктер, сүзбе өндіріледі.Үстіміздегі жылдың 9 айында 1,4 млрд. теңге сомасына 687 тонна дайын өнім өндірілді, — дейді Аққайың ауданының әкімі Рүстем Елубаев.
