Облыстық қоғамдық кеңестің мүшелігіне үш қала тұрғыны қабылданды, деп хабарлайды Qyzyljarnews.kz тілшісі.
Қоғамдық кеңестің құрамына белгілі бір себептермен азаматтық ұйымнан шығып қалған өңір тұрғындарының орнына жаңа үміткерлерді таңдау мақсатында байқау жарияланды. Аталмыш конкурсқа өтініштер қарашаның 1-і мен 10-ы күндері аралығында қабылданды. Бүгін 17 үміткердің ішінен үш қалалықтың кандидатурасы таңдалды.
Облыстық қоғамдық кеңестің жаңа мүшелері:
– СҚО бойынша «Первый антикоррупционный медиацентр» РҚБ өкілі әрі «СҚО Азаматтық Альянсы» ҚЗЛ төрағасы Руслан Асаубаев;
– СҚО әйелдер күші альянсының төрағасының кеңесшісі Диляра Жұмағұлова;
– «Қалалық ветеринарлық емхана» ЖШС директоры Владимир Притчин.
СҚО қоғамдық кеңесінің құрамында 21 адам мүшелік ететінін атап өткен жөн.
