СҚО-да тұрғындарды салауатты өмір салтына тарту және жаппай спортты дамыту мақсатында ауқымды жобалар жүзеге асырылмақ. Бұл туралы өңір басшысы облыстық мәслихат депутаттарына есеп беруі кезінде мәлім етті, деп хабарлайды Qyzyljarnews.kz тілшісі.
Бүгіндері облыста өңір халқының 41 пайызы спортпен шұғылданады. 2025 жылға дейін бұл көрсеткішті 50 пайызға дейін жеткізу жоспарланып отыр. Аймақ басшысының сөзінше, ол үшін қала және аудан орталықтарында дене шынықтыру-сауықтыру орталықтары көптеп салынбақ.
– Бүгіндері облыста 5 дене шынықтыру-сауықтыру және 4 жабық хоккей қорабының құрылысы жүріп жатыр. «Қарасай» стадионын жаңғырту жұмыстарының 1-ші кезеңі аяқталды. Келер жылы спорттық алаң қолданысқа беріледі. Ауқымды жобалардың қатарында Петропавлда үстел теннисі орталығы мен мұз сарайын тұрғызу жоспарда бар, — дейді СҚО әкімі Ғауез Нұрмұхамбетов.
