Аққайың, Уәлиханов, Тимирязев және Қызылжар аудандарының ауылдық округтерінде әкімдер сайланды, деп хабарлайды Qyzyljarnews.kz тілшісі.
СҚО сайлау комиссиясының ақпаратына сәйкес, Аққайың ауданындағы Ивановка ауылдық округіне Қанат Дүйсембаев әкім болып сайланды. Саяси науқанда өз таңдауын жасаған 369 адамның 289-ы Қанат Болатұлының кандидатурасын таңдады.
Уәлиханов ауданындағы Көктерек ауылдық округінде болса, Қанат Жексембаев әкім болып сайланды. Тимирязев ауданында Интернационал ауылдық округінің әкімі лауазымына Азамат Теміров, Ленин ауылдық округінің әкімі болып Еркебұлан Райымбеков тағайындалды.
Тимирязев ауылдық округінің әкімі болып Мақсат Нұрикенов сайланды. Қызылжар ауданындағы Асанов ауылдық округіне Мұрат Қапаров, Петерфельд ауылдық округіне Асылхан Қасымов, Қызылжар ауылдық округіне Ринат Шұғайыпов басшылық етпек.
