Облыстық тарихи-өлкетану мұражайында Шал Құлекеұлының 275 жылдығына арналған «Тұлғалар тағдыры – өлке тарихы» атты ғылыми конференция өтті. Шараны «Асыл мұра» орталығы ұйымдастырды, деп хабарлайды Qyzyljarnews.kz тілшісі.
Ғылыми конференцияның басты мақсаты жерлесіміз – Шал ақын Құлекеұлының өмірі мен шығармашылығын өңір тұрғындарына таныту.
— Біздің ауданымыз 1928 жылы Төңкеріс, 1940 жылы Октябрь деп аталды. 1963 жылы Сергеевка ауданы болса, 1999 жылдан бастап Шал ақын атанды. Ауданда ақын атындағы музей бар. Оның сөресінде ақын пайдаланған заттарды кездсетіре алмайсыз. Атақты тұлғаның портреттері мен кітаптарын тамашалайтындар көп, — дейді Шал ақын аудандық тарихи-өлкетану музейінің директоры Маржан Таушарова.
Оның сөзінше, Шал ақынның шығармашылығын насихаттапу үшін үшін мәнерлеп оқу байқауларын жиі ұйымдастырған жөн.
Конференцияға қатысқан зиялы қауым болашақта Петропавлдағы көшелердің біріне Шал ақынның есімі берілсе деген ой айтты
