142
Облыстағы 10 ауданның 181 елдімекені электр қуатынсыз қалды, деп хабарлайды Qyzyljarnews.kz тілшісі.
Облыстық энергетика және тұрғын үй-коммуналдық шаруашылығы басқармасы басшысының міндетін атқарушы Владислав Лукиннің айтуынша, әзірге 14 мыңнан астам абонент электр энергиясыз отыр.
– Электр желілерінің тіректерінде апат орын алған жоқ. Технологиялық олқылықтар түзетіліп жатыр. Ауылдардағы тұрғындар уақытша электр қуатынан ажыратылды. Қалыпқа келтіру жұмыстары жүргізілуде, — дейді Владислав Лукин.
«Севказэнерго» АҚ-ның 55 бригадасы және «Көкшетау – Энерго» ЖШС-ның 37 бригадасы олқылықтарды түзетіп жатыр. Барлығы 450-ге жуық адам және 195 бірлік техника жұмылдырылған.
