Петропавлдағы Е.Серкебаев атындағы өнер колледжінің студенті Нұрсұлтан Назарбаев қорының стипендиаты атанды, деп хабарлайды Qyzyljarnews.kz тілші.
Стипендияға ие болған Ақерке Әбиева өнер колледжінде «Академиялық вокал» мамандығы бойынша оқиды. Бойжеткен қазан айында «Global art competition – 2023» халықаралық жас орындаушылар байқауына қатысып, бірінші орынды иеленді.
– Карантин уақытында қашықтан оқып, бірнеше халықаралық байқауға қатысып үлгердім. Чехия, Грузия және Түркия елдеріндегі конкурстарда 1-ші орын бұйырды. Соңғы байқауда екі кезеңнен мүдірмей өтіп, жеңімпаз атандым. Мінекей, еңбегім еленіп, стипендия ұтып алдым, — дейді Ақерке Әбиева.
Нұрсұлтан Назарбаев қоры өткен жылдан бері жақсы нәтижелерге қол жеткізген студенттің еңбегін елеп, шәкіртақы тағайындады.
