123
Ақан сері атындағы облыстық филармонияда классикалық жанрда ән айтатын танымал италиялық «The four Italian tenors» тобы концерт қойды. Квартет теріскей халқын Жаңа жылмен құттықтап, мерекелік көңіл-күй сыйлады, деп хабарлайды Qyzyljarnews.kz тілшісі.
Италиялық квартет жергілікті эстрадалық-симфониялық оркестр ҚР еңбек сіңірген қайраткері Абзал Мұхитдиннің дирижерлығымен 15 туындыны орындады.
– Қазақстанға жасаған алғашқы сапарымыз. Квартет ең таңдаулы туындыларды дайындап әкелді. Жиналған көрерменнің көңілінен шыққанына қуаныштымыз, — дейді «The Four Italian Tenors» тобының музыкалық менеджері Давиде Лаболитта.
