Электронды еңбек биржасының порталында жұмыс іздеушілер мен жұмыс берушілер үшін бос орындар мен түйіндеме бойынша ұсынымдарды таңдауға мүмкіндік беретін жасанды интеллект моделі іске қосылды. Енгізілген жасанды интеллект моделі Еңбекминнің ақпараттық жүйелерінің деректерінде оқытылған, деп хабарлайды Qyzyljarnews.kz тілшісі Kazinform агенттігіне сілтеме жасап.
Осы ұсыныс жүйесін әзірлеу кезінде LinkedIn Recruiter іздеу және ұсыныстар жүйесіне ұқсас озық архитектура қолданылды.
ЖИ функционалының негізі — түйіндеме мен бос жұмыс орындарының мазмұнын тиімді талдауға мүмкіндік беретін табиғи тілді өңдеу модельдері.
Аталған механизм жұмыс берушілерге жұмысқа қабылдау және кадрлық резервті қалыптастыру үшін қолайлы кандидаттарды жылдам және дәл іздеуді, ал жұмыс іздеушілерге мансапты жалғастыру үшін қолайлы бос жұмыс орындары мен перспективаларды тезірек іздеу мүмкіндігін қамтамасыз етеді.
ЖИ моделі түйіндеменің мазмұнын талдауға мүмкіндік береді, оның негізінде күтілетін жалақы деңгейі, тұрғылықты жері, көшу мүмкіндіктері, дағдылар сияқты әртүрлі параметрлерді ескере отырып, ең қолайлы жұмыс нұсқалары мен өз мансабын жалғастыру ұсынылады.
Бұл жұмыс берушілер үшін де, жұмыс іздеушілер үшін де дәлірек және жекелендірілген ұсыныстар береді.
Болашақта заманауи машиналық оқыту алгоритмдерін қолдануды қоса алғанда, жүйені үнемі жетілдіру, өтініш берушілерге олардың дағдыларын жақсарту үшін қосымша білім беру және курстар бойынша ұсыныстар беру жоспарлануда.
