Есірткі саудалаған екі баланың анасы бас бостандығынан айырылды

Есірткі сатумен айналысқан келіншекке қатысты сот үкімі шықты, деп хабарлайды Qyzyljarnews.kz тілшісі.

Қаңтардың 16-сы күні алқа билердің қатысуымен сот отырысы өтті. Есірткіні заңсыз саудалағаны үшін К. заң алдында жауап берді.

– «Telegram» мессенджері арқылы өзге адаммен есірткіні өзге адамдарға саудалағаны үшін кінәлі деп танылды. Дәлел ретінде К-дан синтетикалық есірткілер салынған түйіншектер тәркіленді. Оның жасына және 2 кішкентай баласының болуына қарамастан, облыс тұрғыны ҚР ҚК-нің 297-бабы 3-бөлігі бойынша 10 жылға бас бостандығынан айыру орындарына жіберілді. Үш жасар ұлы мен үш айлық қызы қамқоршылық органдарына тапсырылды, — делінген СҚО прокуратурасы таратқан мәліметте.

Үкім заңды күшіне енген жоқ.