154
Петропавлда К.Сүтішев көшесі бойындағы жаяу жүргіншілер өткелінде «Toyota Land Cruiser» автокөлігі 79 жастағы зейнеткерді қағып кетті, деп хабарлайды Qyzyljarnews.kz тілшісі.
Оқиға 22-ші қаңтарда сағат 16:30 орын алды. Кәрім Сүтішев көшесіндегі жаяу жүргіншілер жолынан өтіп бара жатқан қарияны шетелдік көлік қағып кетті. Нәтижесінде зардап шеккен тұрғын жедел жәрдем көлігімен ауруханаға жеткізілді.
— «Toyota Land Cruiser» көлігінің 52 жастағы жүргізушісі медициналық тексеріске жіберілді. ЖКО бойынша процессуалды шешім шығару үшін материал жиналып жатыр, — деді СҚО ПД баспасөз қызметі.
