Кеше «Жезқазған – Петропавл» республикалық маңыздағы тас жолда жол апаты болып, 2 жолаушы оқиға орнында көз жұмды, деп хабарлайды Qyzyljarnews.kz тілшісі.
СҚО ПД баспасөз қызметінің хабарлауынша, қайғылы оқиға кеше сағат 16:00-де орын алды. Республикалық маңыздағы автожолда «Peugeot» және «Toyota Camry» автокөліктері соқтығысты.
– Жол-көлік оқиғасы салдарынан «Peugeot» және «Toyota Camry» автокөліктерінің 2 жолаушысы оқиға орнында алған дене жарақаттарынан қайтыс болды. 4 адам медициналық мекемелерге жеткізілді.
Аталған факт «Екі немесе одан да көп адамның өліміне әкеп соққан көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы» бойынша сотқа дейінгі тергеп-тексерулердің бірыңғай тізілімінде тіркелді.
Автокөліктер мамандандырылған тұраққа қойылды, — деп жазады СҚО ПД баспасөз қызметі.
