Ақпан айында облыста сынап бағанасындағы температура минус 13 – 14,5 градусты көрсетпек, деп хабарлайды Qyzyljarnews.kz тілшісі ҚазАқпарат агенттігіне сілтеме жасап.
«Қазгидромет» РМК СҚОФ директоры Қымбат Мергалимованың айтуынша, ақпан климаттық сипаттамалар бойынша қаңтар айнынан көп ерекшеленбейді. Өңірдің басым бөлігінде қар жауып, боран күтіледі.
– Ақпанда ауа массаларының жиі өзгеруіне байланысты температура бірқалыпты болмайды. Айдың бірінші онкүндігінде кей жерлерде қар жауып, боран күтіледі. Ал екінші онкүндіктің соңында және үшінші онкүндікте желдің екпіні күшейе түспек. Бір айдағы орташа ауа температурасы минус 14 градус шамасында болмақ. Жауын-шашын мөлшері нормаға жақын, кей жерлерде нормадан көп болады деп күтілуде, — дейді Қымбат Мергалимова.
