Өткен жылы облыс жолдарының 700 шақырымын жөндеу жоспарланса, оның 480 шақырымы қалыпқа келтірілді. Биыл жергілікті жолдардың 600-ден шақырымнан астамы жаңартылмақшы, деп хабарлайды Qyzyljarnews.kz тілшісі.
СҚО жолаушылар көлiгi және автомобиль жолдары басқармасының басшысы Мақсат Баяхметтің сөзінше, былтыр 40 елді мекеннің 38-інде жол жөндеу жұмыстары жүргізілді. Бұл ауылдарда шамамен 80 мың тұрғын бар. Облыс орталығындағы 47 көшенің 58 шақырымы қалыпқа келтірілді.
– Аудандық маңыздағы жолдардың 400 шақырымын жөндеп, жол сапасы бойынша көрсеткішті 72 пайызға дейін көтеруді жоспарлап отырмыз. Биыл «Благовещенка – Қайранкөл», «Смирново — Тайынша», «Покровка – Мектеп» бағыттары бойынша күрделі жөндеу жұмыстарын жүргіземіз, — деді Мақсат Баяхмет.
