49
Жыл басынан бері облыста қызылшаны 155 адам жұқтырды. Бұл туралы өңірлік орталық коммуникациялар қызметінде облыстық санитарлық-эпидемиологиялық бақылау департаментінің басшысы Әсет Жұматаев мәлім етті, деп хабарлайды Qyzyljarnews.kz тілшісі.
СҚО санитарлық-эпидемиологиялық бақылау департаментінің мәліметінше, қызылша ауруы анықталған орындардың – 6-уы білім беру нысаны.
– Қызылша осы мекемелерде оқитындарда анықталды. Олар – Ж. Қизатов атындағы жоғары ауыл шаруашылық колледжі, Петропалдағы №23 орта мектеп және №2 Бескөл орта мектебі, Смирновтағы №3 мектеп және Бауман негізгі мектебі. Айта кеткен жөн, жұқпалы індетке шалдыққандардың 85 пайызы, яғни 132 жағдайында індетке қарсы екпе алмағандар болып табылады, — дейді Әсет Жұматаев.
