СҚО-да жыл басынан бері қызылшаны жұқтырудың 192 жағдайы тіркелді, деп хабарлайды Qyzyljarnews.kz тілшісі.
Облыстық санитарлық-эпидемиологиялық бақылау департаментінің мәліметінше, өткен жылдан бері қызылшаны 241 адам жұқтырды.
– Биыл қызылшаны жұқтырудың 192 дерегі тіркелсе, басым бөлігі Петропавлда анықталды. Ақпаратқа сәйкес, облыс орталығында жұқпалы дертке 134 адам шалдыққан. Аққайыңда – 14, Есіл, Қызылжар және Уәлиханов аудандарында – 9, Тайыншада – 4, Айыртауда – 3, Ғ.Мүсірепов атындағы, Жамбыл, Мамлют пен Шал ақын аудандарында – 2, бір-бір жағдайдан Ақжар мен Тимирязев аудандарында тіркелді, — дейді баспасөз қызметі.
Мамандардың сөзінше, қызылша көбіне екпе алмаған азаматтарда анықталды. Ол жалпы инфекцияны жұқтырғандардың 85 пайызын құрап отыр.
