84
Шайбалы хоккейден әуесқойлар командалар СҚО кубогын сарапқа салып, дәстүрлі турнирдің жеңімпазын анықталды, деп хабарлайды Qyzyljarnews.kz тілшісі.
СҚО дене шынықтыру және спорт басқармасының мәліметінше, хоккейден СҚО кубогы үшін талас өткен жылдың желтоқсан айында басталған болатын. Жарысқа аудандардан және қаладан барлығы 7 команда қатысуға ниет білдірген.
Турнирдің соңғы ойындары Петропавлдағы Спорт сарайында өтті. Жарыс қорытындысы бойынша Мағжан Жұмабаев ауданынан келген «Бастомар» командасы жеңіске жетті. Финалда олар петропавлдық хоккейшілерді қапы қалдырды. Ал қола медальді Ғабит Мүсірепов ауданынан келген әуесқойлар еншіледі.
