Сәуірдің соңы мен мамырдың басына ауа райы болжамы жасалды

Авторы: Аманжол НҰРТАЗИН

«Қазгидромет» осы апта мен мамыр айының алғашқы күндеріне ел аумағындағы ауа райына болжам жасады, деп хабарлайды Qyzyljarnews.kz.

— Синоптикалық болжамға сәйкес, алдағы аптада еліміздің басым бөлігінде жауын-шашын күтіледі. Әсіресе аптаның ортасына қарай Солтүстік өңірлерде нөсер жауын болжанып отыр.  Шығыс және Солтүстік Қазақстанда түнде жаңбыр қарға ұласуы мүмкін. Осы аптаның соңына қарай, еліміздің басым бөлігінде ауа температурасының төмендеуі күтіледі. Батыста, оңтүстік және оңтүстік шығыста 25-30 градустан 15-20 градусқа дейін төмендейді. Ал солтүстік, шығыс және орталық өңірлерде ауа райы күндіз 5-13 градусқа, түнгі уақытта 1-6 градусқа дейін төмендейді деп болжануда, — деді «Қазгидромет» РМК ұзақ мерзімді ауа райы болжамы басқармасының басшысы Жұлдыз Исабекова мекемеде өткен брифингіде.

Маманның айтуынша, мамарды басында ел аумағының басым бөлігінде жаңбыр күтіледі.

 — Жаңбырмен қоса жел күтіледі, соның әсерінен ауа температурасы төмендейді. Яғни сәуірдің соңғы күндері күн жылынып, мамырдың басында қайта суиды. Сондай-ақ, жалпы мамырда жоғары температура болжанып отыр, еліміздің оңтүстік өңірлерінде ауа райы кей күндері 35-40 градусқа ал солтүстік, шығыс және орталық өңірлерде 25-35 градус ыстық күтіледі. Ыстық күндері жауын-шашынмен ауысып отырады. Сондықтан солтүстік аймақтарда ауа температурасы түнде үскірікке айналуы мүмкін, — дейді ол.

Сондай-ақ, «Қазгидромет» өкілі мамырда елімізде ауа райының құбылмалы болатынын айтты.

Ұқсас жаңалықтар

Қазақстан Республикасы Ақпарат және қоғамдық даму министрлігі Ақпарат комитетінде 2022 жылғы 20 қаңтарда тіркеліп, №KZ76VPY00045027 куәлігі берілген.

Меншік иесі:  

СҚО әкімдігінің «Қызылжар-Ақпарат» ЖШС.

Яндекс.Метрика

Директор —

Ербақыт Амантайұлы

Сайттың бас редакторы —

Аманжол Нұртазин, aman_nurtazin@mail.ru

Тілші:

Мадина Нуркина, +77057396494, Nurkinamad@mail.ru

SMM-менеджер:

Айжана Шайкенова,

+77782191267

nadyasaf070@gmail.com

@2022 — Designed and Developed by qyzyljarnews.kz