130
Кеше Солтүстік Қазақстан облысының аумағында қатты жел мен нөсер жаңбыр жауды, кейбір аудандарда бұршақ түсті, Qyzyljarnews.kz тілшісі.
«Қазгидромет» РМК филиалының мәліметінше, Шал ақын ауданының орталығы Сергеевка қаласында жауған бұршақтың диаметрі – 10 мм, Саумалкөлде – 6 мм-ді құрады.
Петропавлда да жаңбыр аралас бұршақ жауып, қатты жел соғып, найзағай ойнады.
Қызылжар ауданы Новоникольское ауылында да қатты жаңбыр жауды. Онда ай сайынғы жауын-шашын мөлшері 33 мм болса, кеше 41 мм-ді құрады.
Аймақта дауыл туралы ескерту 10 мамырда жарияланды. Бүгін найзағай ойнап, желдің екпіні секундына 15-20 метрге дейін жетеді деп күтілуде.
