Жыл басынан бері облыста көкжөтелдің 33 жағдайы тіркелді. Оның 28 – і Петропавлда анықталғаны белгілі, деп хабарлайды Qyzyljarnews.kz тілшісі.
Қалалық санитарлық-эпидемиологиялық бақылау және қадағалау бөлімінің басшысы Серік Аусатовтың айтуынша, өткен жылы Петропавлда көкжөтел тіркелмеген. Биыл науқастардың 46 пайызында бұл ауру анықталды.
– Көкжөтелдің барлық жағдайлары 14 жасқа дейінгі балалар арасында тіркелген. Олардың ішінде – балабақшаға баратын үш бала және бір оқушы. Аурудың өсуінің басты себебі-вакцинацияның болмауы. 28 науқастың 27-сінде вакцинация болмаған. Негізінен балалардың ата-аналары вакцинациядан бас тартады. Тек алтауында медициналық қарсы көрсеткіштер болған, ал біреуі егу үшін белгіленген жасқа жетпеген, — дейді Серік Аусатов.
