Көктемгі әскерге шақыру науқаны кезінде ҚР Төтенше жағдайлар министрлігіне қарасты азаматтық қорғаныстың әскери бөлімдеріне 20 жас азамат Отан алдындағы борышын өтеуге аттанды, деп хабарлайды Qyzyljarnews.kz тілшісі.
СҚО ТЖД мәліметінше, әскер қатарына шақыртылғандардың жасы – 18 бен 27-нің аралығында. Биыл облыстан ТЖМ қарамағындағы әскери бөлімдерге Отан алдындағы борышын өтеуге 20 азамат аттанса, оның 10-ы Алматы облысына, тағы 10-ы Қарағанды қаласына жіберілді.
– ТЖМ-ге қарасты әскери бөлімдерде борышын өтеген сарбаздарға азаматтық қорғаныс органдарында қызмет етуге мүмкіндік беріледі. Сарбаздар ҰБТ тапсырмай-ақ құтқарушыларды даярлайтын жоғары оқу орындарына оқуға түсе алады. Кейін өрт сөндіру бөлімдеріне жұмысқа қабылданатын болады, — дейді СҚО ТЖД баспасөз қызметі.
