Қазақстандық спортшы Бейжіңдегі Олимпиадада үздік төртікке енді

Бейжіңдегі Олимпиада ойындарында шорт-тректен ерлер арасында 500 метрге жүгіруден финалдық сында Қазақстан командасының көшбасшысы Абзал Әжіғалиев төртінші орынға табан тіреді, деп хабарлайды Qyzyljarnews.kz тілшісі.
Ел намысын қорғауға аттанған азамат 500 метр қашықтықты 40,88 секундта еңсерді.

-Бүгін қазақ халқын қуантқым келді. Бар күшімді салдым. Финалға дейін екі бірдей Олимпиада чемпионы жарыc жолынан шығып қалды. Осындай бәсекелестікпен ақтық сынға жеткенім қуантады. Өкінішке қарай, медаль бұйырмады,- дейді Абзал Әжіғалиев.

Аталған қашықтықта алтын медальды венгриялық ШаоангЛю, күмісті ресейлік Константин Ивлиев еншіледі. Ал қола жүлде канадалық спортшы Стивена Дюбуаға бұйырды.