Президент еліміздің «Жаңа Қазақстанды» құру жөніндегі ауқымды міндетті орындауға кіріскенін мәлімдеді, деп хабарлайды Qyzyljarnews.kz тілшісі.
Мемлекет басшысының айтуынша, алдымызда мемлекетіміздің болашақ тағдырын шешетін аса маңызды жұмыс тұр. Оны ойдағыдай жүзеге асыру үшін жаңа мақсат-міндеттерімізді айқындап алуымыз қажет. Партия барлық реформаға ұйытқы болуға тиіс.
— 16 наурызда мен саяси реформалардың жаңа бағдарламасын ұсынамын. Қазір партиялар арасындағы бәсекелестік күшейе түсуде. Осыған байланысты біз партиямыздың басты саяси күш ретіндегі рөлін сақтап қалуға тиіспіз. Бұл өте маңызды міндет. Басқаша айтқанда, ұйым еліміздің мүддесін қорғайтын нағыз халықтық партия болып қала беруі тиіс, — деді Қасым-Жомарт Тоқаев партияның кезектен тыс съезінде.
