Петропавлдағы Береке ықшам ауданында болған өрттен 5 адам қаза тапты. Бұл ақпаратты ҚР ТЖМ баспасөз қызметті таратты, деп хабарлайды Qyzyljarnews.kz тілшісі.
13 наурызда түнгі сағат 01:07-де өрт сөндіру қызметіне Мәскеу көшесінде орналасқан 4 пәтерлік үйдің жанып жатқаны тура хабар түскен. Құтқарушылар жетіп, өрт ошағы №3-інші пәтерде екені анықталды. Өртті сөндіру барысында үйдің ішінен 1975 және 1979 жылы туған 2 ер адам мен 1960 және 1967 жылғы 2 әйелдің мәйіті табылды. Кіре берісте 1960 жылы туған тағы 1 ер адамның күйік шалған денесі жатқан. Мүрделер сот-сараптамалық орталығына жіберілді.
Өрт 01-53- те ауыздықталып, 02-24-те толық сөндірілді дейді департамент қызметкерлері.
Алдын ала болжам бойынша, үйде арақ ішіп, төсекте темекі тартқаннан болуы мүмкін, деп хабарлады ТЖМ өкілдері.
