542
Қытай астанасы Бейжіңде наурыздың 4-і мен 13-і аралығында өткен XIII қысқы Паралимпиада ойындары өз мәресіне жетті, деп хабарлайды Qyzyljarnews.kz тілшісі.
Сайыс қорытындысы бойынша Қытай үздік атанды. Аспан асты елінің спортшылары 18 алтын медальға ие болды. Ал Украинадан келген паралимпиадашылар бұл ойындарда 11 рет жеңіске жетті. Канада үшінші орынға табан тіреді. Қоржында — 8 алтын медаль.
Қазақстанның паралимпиадалық құрамасы командалық есепте бір қола медальмен 17 — ші орынға жайғасты. Солтүстікқазақстандық Александр Герлиц биатлон жарысында орта қашықтықта жүлдеге ие болды.
Бұл жарыста ел намысын екі спорт түрінен 5 паралимпиадашы қорғады.
