552
СҚО-да полигондар мәселесі әлі шешілген жоқ. Өткен жылы ғарыштық мониторингтің көмегімен 360-тан астам стихиялық қоқыс орындары анықталды, олардың 83% — ы жойылды, деп хабарлайды Qyzyljarnews.kz тілшісі.
— Биыл жұмыс істеп тұрған полигондарды жоюға және абаттандыруға аудандар мен Петропавл әкімдіктері 114,3 миллион теңге бөлмек. Облыстың аудан орталықтары мен ірі елді мекендерінде қатты тұрмыстық қалдықтарға арналған 9 полигон салу үшін жобалау-сметалық құжаттама әзірленді, — деді облыстық табиғи ресурстар және табиғатты пайдалануды реттеу басқармасының басшысы Бейбіт Исманов.
Облыс бойынша қалдықтарды жинайтын 454 нысан бар. Бұл көрсеткіш бойынша өңір басқа облыстар арасында бірінші орында.
