497
СҚО-ның тұрғыны бірге тұратын 62 жастағы әйелмен жанжалдасып қалып, оған пышақ салып алған, деп хабарлайды Qyzyljarnews.kz тілшісі.
— Жәбірленушінің денсаулығына қатты зиян келген. Сот ер адамға 4 жылға бас бостандығын шектеу жазасын тағайындады, — деді полиция департаменті.
Жалпы жыл басынан бері Петропавлда әйелдерге қатысты 6 қылмыс тіркелді. Салдарынан, нәзік жандылар ауыр және орташа дәрежеде түрлі дене жарақатын алған. Қаңтар айынан бастап облыс полицейлері отбасылық-тұрмыстық қатынастар саласындағы құқық бұзушылық фактілері бойынша 352 әкімшілік хаттама толтырды.
