598
Аққайың ауданына қарасты Тоқшын мектеп-гимназиясының шатыры опырылып, ішіне түсті деп хабарлайды Qyzyljarnews.kz тілшісі.
Кешкі сағат алтыға таман мектепке жапсарластыра салынған акт залының төбесі құлаған. Бірден-бір себеп – 1955-інші жылы салынған ғимараттың іргетасы шөккен, әрі шатыры еріген қардың салмағына шыдамаған. Абырой болғанда ешкім зардап шеккен жоқ.
Оқиғаға байланысты арнайы комиссия құрылып, мән-жайын анықтауда.
Ал мектепте оқитын 300 бала әзірге қашықтан білім алатын болады.
