273
Шал ақын ауданында жоғалған 31 жастағы балықшының өлі денесі табылды, деп хабарлайды Qyzyljarnews.kz тілшісі.
Марқұмның денесі Ступинка ауылынан 3 шақырым жерде, қар астында жатқан.
Естеріңізге салсақ, осыдан бірнеше күн бұрын Ғабит Мүсірепов атындағы ауданның 3 тұрғыны көрші аудандағы Ступинка елдімекені маңындағы көлге балық аулауға барған. Алайда үйлеріне тек екеуі жеткен. Көлде бірге болған қос азаматтан полицейлер жауап алды. Олар достар арасында ешқандай дау-дамай туындамағанын алға тартып, жоғалған Болат Ақиевтің өз еркімен су қоймасынан ерте кетіп қалғанын айтқан еді.
