Қаулы жобасы ашық нормативтік-құқықтық актілер сайтына жарияланды, деп хабарлайды Qyzyljarnews.kz тілшісі.
Спортшыларға берілетін сыйақы осыдан 5 жыл бұрын белгіленген. Алайда, олар қазіргі ең төменгі күнкөріс деңгейіне сәйкес келмейді.
Ай сайынғы төлем спорттық жарыстың деңгейіне және еншілеген орнына байланысты берілмек. Мәселен, 1-орын алған Олимпиада, Паралимпиада, Сурдлимпиада ойындарының қатысушыларына 250 АЕК-ке дейін, 2 – орын — 200 АЕК – ке дейін, 3-орын-150 АЕК-ке дейін төленеді.
4-ші, 5-ші және 6-шы орын иеленгендерге – 140, 130 және 120 АЕК көлемінде төлемақы беріледі. Азия ойындарының жүлдегерлеріне, ересектер арасындағы әлем чемпионаттарының қатысушыларына айына 150, 130 және 120 АЕК-ке дейін ай сайынғы төлем белгілеу ұсынылады.
Жасөспірімдер арасындағы әлем чемпионатының жүлдегерлері-60, 50 және 40 АЕК-ке дейін;
Азия чемпионаты, Әлем кубогы, ересектер арасындағы Әлем кубогының кезеңдеріне қатысушыларға — 100, 80, 60 АЕК – ке дейін, жасөспірімдер үшін-40, 30, 20 АЕК-ке дейін;
Ересектер арасындағы Азия, Еуропа кубогы — 50, 40, 30 АЕК – ке дейін, жасөспірімдер үшін — 40, 30, 20 АЕК-ке дейін.
Ересектер арасында Қазақстан Республикасы чемпионаты, Қазақстан Республикасы спартакиадасы, Қазақстан Республикасы Паралимпиадалық ойындары, Қазақстан Республикасы Сурдлимпиадалық ойындарына — 50, 40, 30 АЕК дейін, жасөспірімдер үшін – 30, 20, 10 АЕК дейін өтемақы төленеді,
Фото: olympic.kz
