Өңір басшысы «Севказэнерго» АҚ-ның Петропавлдағы 2-ЖЭО-дағы жағдайды қалыпқа келтіру бойынша Жол картасы әзірленгенін атап өтті, деп хабарлайды Qyzyljarnews.kz тілшісі.
— Жол картасы негізінде орталықтағы барлық қазандықтарға күрделі жөндеу жұмыстары жүргізілмек. Сарапшылар келіп, мән-жайды жан-жақты қарастырып шықты. Ертең елордаға барамын. Жол картасын бекітіп іске кірісу үшін Бірінші вице-премьермен, Энергетика министрлігімен, сарапшылармен және акционерлермен кеңес өткізуге шешім қабылданды. Сәуірдің 15-інен бастап жылу электр орталығындағы мұржаны жөндеуді бастаймыз. Қазірдің өзін қазандықтарды жаңарту жұмыстары жүргізіліп жатыр. Барлық қазандықтарға күрделі жөндеу жүргізіледі, — деді Құмар Ақсақалов.
Облыс әкімінің айтуынша, жылыту маусымы аяқталғаннан кейін қызметкерлер мұржаны кесіп, тексеріс жұмыстарына кіріседі.
-Шаруаны жаңа жылыту маусымына дейін аяқтап үлгереміз деп ойлаймын. Акционерлер жөндеуге қажетті материалдарды сатып алып жатыр. Қаражат тартудың түрлі амалдары қарастырылуда. Мен бұл істі тарифтер есебінен жасауға қарсымын, — деді өңір басшысы.
Фото: Sputnik
