12 сәуірде Петропавлда «Ренет» және «Весна» саяжай бірлестіктерінің аумағында шөп өртенді, деп хабарлайды Qyzyljarnews.kz тілшісі.
Өрт орнына қаладағы өрт сөндіру бөлімшелері дереу жетіп, ауыздықтауға кірісті. Бірақ жел күшейіп, Кировец 3, Весна, Құрылысшы, Жемчужина кооперативтерінің иесіз саяжай учаскелерін де шарпыған. Қазіргі кезде өрттің жалпы аумағы-10 гектар.
– Өрт болған жерде СҚО ТЖ департаментінің барлық бөлімшелері жұмылдырылды. Бұл 70-тен астам қызметкер мен 12 бірлік техника, сондай-ақ жергілікті атқарушы органдардың 8 су тасығышы да жетті. Желдің екпіні және кірме жолдардың тар болуыжұмысты қиындатып отыр. Өрт 21 сағат 4 минутта ауыздықталды, деп хабарлады СҚО ТЖД.
Өрт сөндіру штабы жұмыс істеп жатыр, зардап шеккен саяжайлар саны нақтылануда.
