472
Бүгін, 15 сәуірде белгісіз адам көпбейінді облыстық ауруханаға қоңырау шалып, жарылғыш зат қойылғанын жеткізген, деп хабарлайды Qyzyljarnews.kz тілшісі.
Облыстық полиция департаментінің ақпараты бойынша, аталған мекенжайға ведомствоның және басқа да шұғыл қызметтердің мамандары дереу жетті.
— Полиция қызметкерлері пациенттер мен қызметкерлерді эвакуациялау үшін ғимаратты қоршауға алды. Мамандар корпустардың барлығын иттердің көмегімен сүзіп шықты. Ешқандай жарылғыш зат табылған жоқ, қоғамдық тәртіпті бұзуға жол берілген жоқ. Операция екі сағатқа созылды»,-деп хабарлады облыстық полиция департаментінің баспасөз қызметі.
Қазіргі уақытта полицейлер қоңырау шалған адамды анықтаумен айналысуда.
Фото: ашық дереккөздерден
