372
Қазгидромет өңірлік филиалының мамандары Есіл өзенінің қазіргі жағдайын баяндады, деп хабарлайды Qyzyljarnews.kz тілшісі.
— Сергеев гидроторабындағы бөгеттен асқан судың биіктігі 43 сантиметрге жетті. Жалпы су деңгейі бір тәулікте 1-ден 83 сантиметрге дейін көтерілді. Покровка және Новоникольское ауылдарының тұсында су деңгейінің 40-51 сантиметрге жоғарылағаны байқалды. Есіл өзенінің гидрологиялық бекетінде су деңгейі 83 сантиметрге көтерілді. Бұған Петропавл гидроторабынан жіберілген су тікелей әсер етті, дейді метеорологтар.
Сергеев су қоймасы толып жатыр. Бір күнде ол 4 сантиметрге көтеріліп, 843 сантиметрге жетті, көлемі 744 миллион текше метрді құрады. Үлкен Тораңғұл көлінде су деңгейі өзгерген жоқ.
