Солтүстік Қазақстан облысында мамыр мен жаз айларында жылдағыдан 1-2 градусқа ыстық болады, деп хабарлайды Qyzyljarnews.kz тілшісі.
«Қазгидромет» РМК филиалының өкілдері көктемгі дала жұмыстарын жүргізу кезінде ауа райы қандай болатынын айтты. Болжам бойынша, мамырда орташа температура 12-14 градус шамасында болмақ. Мамырдың соңында күн суытады, сынап бағаны -3-4 градусқа дейін түседі.
Жазда Иран аумағынан келген жылы ауа есебінен өңірде күн ысиды. Күндіз сынап бағаны 28 градусқа дейін көтеріледі. Жалпы, биылғы жаз солтүстікқазақстандықтар үшін жылы болады. Орташа айлық ауа температура нормадан 1-2 градусқа жоғары болады. Қысқа мерзімді, найзағайлы жауын-шашын сирек болады.
Егіс кезеңінде топырақтың ылғалдылығы 94,8 мм-ден 208,9 мм-ге дейін жетеді.
