1 мамыр — ізгілік, достық пен келісім мерекесі. Мейрам қарсаңында тарихи-өлкетану музейінде «Достық біздің тірегіміз» атты іс-шара өтті, деп хабарлайды Qyzyljarnews.kz тілшісі, petropavltv.kz-ке сілтеме жасап.
Қазақстан халқының бірлігі мерекесі қарсаңында оқушылар мекеме қызметкерлері ұйымдастырған театрландырылған қойылымдарға қатысты. Мекеме қызметкерлері балаларға түрлі халықтардың салт-дәстүрлерінен көріністер ұсынды. Балалар украин гүл шоқтарының мән-мағынасымен танысып, қытай халқының шай рәсіміне қатысты, неміс, татар және поляк мәдени орталықтарының өкілдерімен әңгімелесті. Сондай-ақ, қызметкерлер балаларға ұлттық ойындар мен флешмобтар ұйымдастырды. Іс-шараға қала мектептерінен 40-қа жуық топ қатысты.
— Залда мұражай қорынан алынған ұлттық киімдер мен тұрмыстық заттар көрмесі жұмыс істеп тұр. Мұражай қызметкерлері балаларды әртүрлі салт-дәстүрлермен таныстырады, өйткені Қазақстанда 130-дан астам ұлт пен ұлыс өкілдері тұрады. Дін мен ұлтқа бөлінбей бір-біріміздің дәстүрлерімізді құрметтейміз. Сондықтан да қазақстандықтар тату отбасы мүшелеріндей өмір сүреді, — дейді Солтүстік Қазақстан облыстық тарихи-өлкетану мұражайының маманы Вера Андреева.
Фото ашық дереккөздерден.
