471
СҚО бойынша санитарлық-эпидемиологиялық бақылау департаменті көкөністер мен жемістердің 66 сынамасын зерттеді. Нәтижесінде, нитраттық азоттың нормадан асып кету жағдайы анықталған жоқ, деп хабарлайды Qyzyljarnews.kz тілшісі.
Нитраттар — азот қышқылының тұздары. Азот өсімдіктердің жетілуі үшін қажет. Алайда нитраттардың мөлшерден көп болуы адам денсаулығына кері әсерін тигізеді.
-Нитраттардың көпшілігі жапырақты жасыл көкөністерде кездеседі. Қияр, асқабақ, қауын және қарбыздың қабығында нитраттар көбірек болады. Сондықтан тамыр дақылдарының жоғарғы бөлігі мен төменгі жағын кесіп тастау ұсынылады. Қырыққабаттың сыртын тазалап, сабағын алып тастаған жөн,-деп хабарлады департаменттің баспасөз қызметі.
Фото: ашық дереккөздерден
