Қазақстанда жаңа оқу жылынан бастап бакалавриат, магистратура және докторантура бойынша берілетін стипендияның мөлшері артады. Бұл туралы Білім және ғылым вице-министрі Қуаныш Ерғалиев мәлімдеді, деп хабарлайды Qyzyljarnews.kz тілшісі.
-2022 жылдың 1- қыркүйегінен бастап студенттердің шәкіртақысы ұлғаяды. Атап айтқанда, бакалавриаттағылардыкі 20 %-ға артады, яғни 31 423 теңгеден 36 660 теңгеге өседі. Магистранттардыкі 15%-ға артады, 76 950 теңгеден 86 987 теңгеге көбеймек. Сонымен қатар докторанттардың да шәкіртақысы 15%-ға өседі. Қазір стипендия 172 500 теңге болса, жаңа оқу жылынан бастап 195 000 теңге болады, – деді Қуаныш Ерғалиев.
Осылайша, 1- қыркүйектен бастап 133 мың студенттің қалтасы қалыңдайды. Қуаныш Ерғалиев оқу-әдістемелік құралдары мен нормативтік құжаттарға сай ЖОО-лар жаңа оқу жылына дайындықты 20 тамызға дейін аяқтауы тиіс екендігін ескертті.
Фото: ашық дереккөздерден
